Италия кубоги ярим финал баҳси доирасида "Эмполи" "Болонья"га имкониятни бой берди ва турнир билан хайрлашди.
Учрашув натижаларини жамоа бош мураббийи Роберто Д'аверса изоҳлади.
"Биз бу тарихий ярим финални бошимизни баланд кўтарган ҳолда тарк этамиз. Афсуски, биринчи ўйинда биз Италиянинг энг яхши жамоаларидан бирига қарши ўйинда хатоликларга йўл қўйдик.
Бугун оқшом йигитлар диққат билан ўйнашди. Агар биз А Сериянинг қолган ўйинларида ҳам шундай руҳда давом этсак, юқори лигада қолишга лойиқ эканимизни исботлаймиз", – деди мураббий.













