"Liverpul" va "Bornmut" o‘rtasidagi transfer shartnomasida birdaniga olti nafar futbolchi ishtirok etishi mumkin.
Sport Bible nashrining ta’kidlashicha, yozgi transferlar vaqtida "Liverpul" "Bornmut"dan birdaniga bir necha futbolchini olib ketmoqchi. Gap Din Xeysen, Milosh Kerkez va Antuan Semenyo haqida ketmoqda. Shu bilan birga, ta’kidlanishicha, Kaomxin Kellexer, Xarvi Elliott va Ben Doaklar "giloslar" safiga o‘tishi mumkin.
Manbaga ko‘ra, agar klublar futbolchilar almashinuvi bo‘yicha kelisha olmasa, unda har bir transfer alohida amalga oshirilishi mumkin. Ta’kidlanishicha, "Bornmut"ning eng asosiy maqsadi darvozabon Kellexer hisoblanadi.
