"Ливерпуль" ва "Борнмут" ўртасидаги трансфер шартномасида бирданига олти нафар футболчи иштирок этиши мумкин.
Sport Bible нашрининг таъкидлашича, ёзги трансферлар вақтида "Ливерпуль" "Борнмут"дан бирданига бир неча футболчини олиб кетмоқчи. Гап Дин Хейсен, Милош Керкез ва Антуан Семеньо ҳақида кетмоқда. Шу билан бирга, таъкидланишича, Каомхин Келлехер, Харви Эллиотт ва Бен Доаклар "гилослар" сафига ўтиши мумкин.
Манбага кўра, агар клублар футболчилар алмашинуви бўйича келиша олмаса, унда ҳар бир трансфер алоҳида амалга оширилиши мумкин. Таъкидланишича, "Борнмут"нинг энг асосий мақсади дарвозабон Келлехер ҳисобланади.













