Tailandda dzyudo bo‘yicha Osiyo chempionati o‘z yakuniga yetib bormoqda. Bugun og‘ir vazn toifalarida g‘oliblar aniqlandi.
-90 kg vazndagi bellashuvlarning finaliga ikki nafar hamyurtimiz yetib bordi. Shahzodxo‘ja Sharipov va Nurbek Murtazoyev o‘rtasidagi bahs Sharipovning g‘alabasi bilan yakunlandi. Shuningdek, Marjona Ko‘chimova -78 kg ham shohsupadan joy oldi.
Oltin medal:
-90 kg: Shahzodxo‘ja Sharipov
Kumush medal:
-90 kg: Nurbek Murtazoyev
Bronza medal:
-78 kg: Marjona Ko‘chimova
Shu tariqa, dzyudochilarimiz yakkalik bahslarida 2 ta oltin, 2 ta kumush va 3 ta bronza, jami 7 ta medal bilan umumjamoa hisobida Yaponiyadan keyin ikkinchi o‘rinni egallashdi.
Ertaga aralash jamoaviy dasturda bellashuvlar o‘tkaziladi.
