Таиландда дзюдо бўйича Осиё чемпионати ўз якунига етиб бормоқда. Бугун оғир вазн тоифаларида ғолиблар аниқланди.
-90 кг вазндаги беллашувларнинг финалига икки нафар ҳамюртимиз етиб борди. Шаҳзодхўжа Шарипов ва Нурбек Муртазоев ўртасидаги баҳс Шариповнинг ғалабаси билан якунланди. Шунингдек, Маржона Кўчимова -78 кг ҳам шоҳсупадан жой олди.
Олтин медал:
-90 кг: Шаҳзодхўжа Шарипов
Кумуш медал:
-90 кг: Нурбек Муртазоев
Бронза медал:
-78 кг: Маржона Кўчимова
Шу тариқа, дзюдочиларимиз яккалик баҳсларида 2 та олтин, 2 та кумуш ва 3 та бронза, жами 7 та медал билан умумжамоа ҳисобида Япониядан кейин иккинчи ўринни эгаллашди.
Эртага аралаш жамоавий дастурда беллашувлар ўтказилади.
