Urugvaylik markaziy hujumchi Darvin Nunyes joriy mavsum oxirida "Liverpul"ni tark etishi mumkin. Bu haqda Todofichajes portali sahifalarida xabar berilgan.
Manbaga ko‘ra, hujumchida faoliyatini Ispaniya va Saudiya Arabistoni chempionatlarida davom ettirish imkoniyatlari bor.
La Ligada Darvin transferiga Madridning “Atletiko” klubi qiziqmoqda. 25 yoshli futbolchining “qizillar” bilan shartnomasi 2028 yilning iyun oyi oxirigacha mo‘ljallangan.
Urugvaylik futbolchining transfer qiymati 50 million yevroga baholanmoqda. Nunyes Premyer-liganing joriy mavsumida 26 ta o‘yinda maydonga tushdi. Hujumchi beshta gol urdi.
