Уругвайлик марказий ҳужумчи Дарвин Нуньес жорий мавсум охирида "Ливерпул"ни тарк этиши мумкин. Бу ҳақда Todofichajes портали саҳифаларида хабар берилган.
Манбага кўра, ҳужумчида фаолиятини Испания ва Саудия Арабистони чемпионатларида давом эттириш имкониятлари бор.
Ла Лигада Дарвин трансферига Мадриднинг “Атлетико” клуби қизиқмоқда. 25 ёшли футболчининг “қизиллар” билан шартномаси 2028 йилнинг июн ойи охиригача мўлжалланган.
Уругвайлик футболчининг трансфер қиймати 50 миллион еврога баҳоланмоқда. Нуньес Премьер-лиганинг жорий мавсумида 26 та ўйинда майдонга тушди. Ҳужумчи бешта гол урди.













