Bugun Islom Karimov nomidagi Toshkent xalqaro aeroportiga World Aquatics prezidenti, Osiyo Olimpiya kengashi (OOK) bosh direktori Husayn Al Musallam, Milliy Olimpiya qo‘mitalari assosiasiyasi (MOQA) birinchi vise-prezidenti hamda Qatar MOQ prezidenti shayx Joaan Ol Soniy, OOK vise-prezidenti Tani Abdulraxmon Al Kuvari boshchiligidagi yuqori martabali delegasiya tashrif buyurdi.
Mehmonlarni Toshkent aeroportida O‘zbekiston Respublikasi Sport vaziri Adkham Ikramov va O‘zbekiston MOQ raisining birinchi o‘rinbosari, OOK vise-prezidenti Otabek Umarov kutib olishdi.
Tashrif doirasida mamlakatimizda olimpiya harakati, xususan, suv sporti turlarini rivojlantirish, xalqaro hamkorlikni mustahkamlash va uni yangi bosqichga olib chiqish bo‘yicha rasmiy uchrashuvlar o‘tkazilishi rejalashtirilgan.













