"Arsenal" o‘z maydonidagi birinchi o‘yinda mag‘lubiyatga uchragan holda, yevrokuboklar pley-offida biror marta keyingi bosqichga chiqa olmagan.
Mikel Arteta boshchiligidagi jamoa Chempionlar Ligasi yarim final birinchi uchrashuvida o‘z maydonida "PSJ"ga 0:1 hisobida yengildi. Javob uchrashuvi 7 may kuni Parijda bo‘lib o‘tadi.
"Arsenal" tarixda o‘z uyidagi birinchi o‘yinda mag‘lubiyatga uchragan holda, yevrokuboklar pley-off bosqichida hech qachon keyingi bosqichga o‘ta olmagan. "To‘pchilar" 5 marta shunday holatga tushishgan - barchasi muvaffaqiyatsiz yakunlangan.
