Bir kun avval Karlo Anchelottini Braziliya terma jamoasi bosh murabbiyi etib tayinlash bo‘yicha muzokaralar barbod bo‘lgani haqida xabarlar tarqalgan edi. Biroq, jurnalist Ramon Alvares de Mon ijtimoiy tarmoqlarda Anchelotti va Braziliya tomoni o‘rtasidagi muzokaralar hali ham davom etayotgani haqida yozdi. Tomonlar allaqachon tayyorlangan shartnomaga tuzatishlar kiritmoqdalar. Italiyalik murabbiyning fikricha, "Real" uning transferiga to‘sqinlik qilmaydi. Chorshanba kuni yangi uchrashuv rejalashtirilgan.
Shu bilan birga, Ramon soliqlar masalasi muhim bo‘lib qolayotganini ta’kidlaydi. Agar Anchelotti klublar o‘rtasidagi jahon chempionatida "Real"da qolsa, katta pul to‘lashi kerak bo‘ladi.
