Kilian Mbappening onasi "Kan" muxlislarining tanqidlariga munosabat bildirdi.
Mbappelar oilasi o‘tgan yozda "Kan"ning nazorat paketini sotib olgan edi. 2024/25 yilgi mavsum oxirida klub 1981 yildan beri birinchi marta Liga 2 dan muddatdan oldin tushib ketdi.
"Martig" klubi bilan bo‘lgan o‘yinda (0:3) "Kan" ultrasi "Sen axmoqsan" va "Menejment, o‘yinchilar: hamma aybdor, hamma tashqarida" shiorlari yozilgan bannerlarni stadionga osib qo‘yishdi.
"Ba’zan mavsum davomida jahlim chiqadi, chunki odamlar prezidentga va shaxsan menga hech qanday sababsiz hujum qilganda, ular nima uchun kelganimizni va bu bizning shaxsiy pulimiz ekanligini aytishni unutishadi.
Kilianga kamtarlik bilan biz bunga loyiq emasligimizni, bizni xush ko‘rishmaganida ketish vaqti kelganini aytganimni eslayman. Ammo u buni qilishni xohlamadi. U meni boshqacha ishontirdi. Hozir ketish nohaqlik bo‘ladi, chunki biz ham shu qadriyatlar uchun kelganmiz, dedi. Shuning uchun men ijobiy bo‘lishni afzal ko‘raman.
Kilian o‘z pulini investisiya qilgan. "Kan"ni sotib olishga tayyor bo‘lgan o‘n besh kishi yoki kompaniya yo‘q edi. Biz buni sinov sifatida qabul qildik. Bizga bir nechta takliflar kelib tushdi. Uchta klub bizga o‘zini taklif qildi va biz kutilganidek, "Kan"ni tanladik", - dedi Faiza Lamari Ici Normandie nashriga.
