"Barselona" himoyachisi Jyul Kunde Chempionlar ligasi doirasida "Inter"ga qarshi o‘yinning birinchi bo‘limi oxirida jarohati tufayli almashtirildi.
Fransiyalik futbolchi tibbiy ko‘rikdan o‘tdi va uning natijalari klub tomonidan e’lon qilindi.
"O‘tkazilgan testlar Kundening chap sonida distal biseps jarohati borligini ko‘rsatdi", - deyiladi "Barselona" bayonotida. "Barselona" Jyul Kundening tiklanish vaqtini e’lon qilmadi.
Eslatib o‘tamiz, "Barselona" o‘z maydonida "Inter"ga qarshi o‘yinni 3:3 hisobida yakunlagan edi. Xans-Diter Flik shogirdlarini endi 3 may kuni La Liga doirasida "Valyadolid"ga qarshi safar o‘yinini kutmoqda.
