"Manchester Yunayted" afsonasi Pol Skoulzning fikricha, "Liverpul" himoyachisi Trent Aleksander-Arnoldning "Real"da sovrin yutish imkoniyati ko‘proq bo‘ladi.

"U uchun bu qiyin qaror bo‘ladi. Agar siz mahalliy yigit bo‘lsangiz, klubingizni tark etish juda qiyin, ayniqsa Premyer-ligada chempionlikni endigina qo‘lga kiritganingizda.

"Liverpul" katta klub. Agar siz katta klubda bo‘lmasangiz, "Real Madrid"ga o‘tish oson. U qaror qabul qilganda, yaqin yillarda sovrinlarni qo‘lga kiritish uchun qayerda eng yaxshi imkoniyatga ega bo‘lishi haqida o‘ylashi kerak.

Menimcha, "Real Madrid" biroz tanazzulga yuz tutdi, ammo ularning tanazzullari unchalik uzoq davom etmaydiganga o‘xshaydi. Albatta, Angliyada raqobat yanada qattiqroq va agar siz Premyer-liga va Chempionlar ligasida g‘alaba qozonishni istasangiz, yana katta mablag‘ sarflashi mumkin bo‘lgan "Manchester Siti", "Arsenal" va hatto "Chelsi"ga qarshi o‘ynashingiz kerak, shuning uchun bu yerda g‘alaba qozonish qiyinroq.

"Liverpul" keyingi 5-6 yil ichida chempionlikni qo‘lga kirita oladigan jamoaga o‘xshayaptimi? Men hozircha shunday deb o‘ylamayman va balki adashayotgandirman, lekin "Manchester Siti" ligada g‘olib bo‘lganida ular yana buni uddalay oladi deb o‘ylagandik.

Ammo "Liverpul" sovrinlarni qo‘lga kiritishga unchalik ishonch komil emas. Agar Trent qayerda sovrinlarni yutish imkoniyati ko‘proq bo‘lishi haqida o‘ylayotgan bo‘lsa, "Real Madrid" biroz ustunlikka ega" - dedi Skoulz.