Yago Aspasning fikricha, Vinisius Junior "Oltin to‘p"ga Rodri bilan bir qatorda loyiq edi.
O‘tgan mavsum yakunlariga ko‘ra, ushbu sovrinni "Manchester Siti" yarim himoyachisi Rodri qo‘lga kiritgan edi. "Real" vingeri Vinisius ovoz berishda ikkinchi bo‘ldi.
"Selta" yakshanba kuni La Liganing 34-turida "Madrid" mehmoni bo‘ladi.
- Vinisius va Mbappening hozirgi darajasi ularning asl darajasidan past deb hisoblaysizmi?
- Mbappe yigirmadan ortiq gol urdi, Vinisius "Oltin to‘p" uchun kurashda 2-o‘rinni egalladi va Rodri kabi bunga loyiq edi.
Mavsum davomida shunday vaziyatlar bo‘ladiki, siz eng yuqori darajaga chiqa olmaysiz, ammo bu futbolchilar bo‘yicha hech qanday shubha yo‘q, - dedi "Selta" hujumchisi.
Aspas joriy mavsum 26 ta o‘yinda 9 ta gol va 3 ta golli uzatmaga mualliflik qildi.













