Tomas Myuller faoliyatini yakunlamoqda va germaniyalik hujumchi asta-sekin xotiralarga berilib, natijalarni sarhisob qilmoqda. Uning so‘zlariga ko‘ra, "Bavariya" Xosep Gvardiola bilan xayrlashganidan keyingi barcha yillar, ya’ni so‘nggi deyarli o‘n yil barqaror bo‘lmagan.
"Gvardioladan keyin murabbiy va futbolchilarning boshqa barcha birikmalari negadir kerakli darajada ishlamay qoldi," - deya tushuntirdi Myuller Bundesliga.com saytiga bergan intervyusida.
Eslatib o‘tamiz, Gvardiola 2013-2016 yillarda "Bavariya"da ishlagan, keyin klub bir necha murabbiylarni, asosan, germaniyalik murabbiylarni almashtirgan.
