"Liverpul" bosh murabbiyi Arne Slot jamoasining APL turnir jadvalida "Chelsi"dan ustunligidan hayratda ekanligini bildirdi.
"Liverpul" Premyer-liga chempionligini qo‘lga kiritganidan keyingi ilk o‘yinida "Chelsi"dan 3:1 hisobida mag‘lub bo‘ldi, u esa turnir jadvalidagi farqini 19 ochkoga qisqartirdi.
"O‘yinlarida mag‘lub bo‘lishning yaxshi tomoni yo‘q, ammo ijobiy tomonlari ham bor.
"Stemford Brij"da ko‘p jamoalar to‘pga egalik qilishda ustunlik qila olmaydi, chunki "Chelsi" to‘p bilan juda yaxshi o‘ynaydi.
Biz 2:0 hisobida ortda borayotganimizda ham taslim bo‘lmadik va o‘yinga qaytishga harakat qildik. Ikkita katta imkoniyatni boy berdik va "Chelsi" qarshi hujumda juda xavfli ko‘rindi.
Biz hisobni 2:1 qilish uchun gol urganimizda, "Hmm, ko‘ramiz, nima bo‘ladi", deb o‘ylagan edingiz. Lekin bizda hisobni tenglashtirish uchun real imkoniyatlar bo‘lmadi, keyin penalti belgilandi, bu adolatli bo‘ldi va "Chelsi" 3:1 hisobida g‘alaba qozondi.
"Men "Chelsi" bu mavsumda e’tiborga olinadigan kuch bo‘lishini kutgandim, chunki "Enfild"ga kelganida ular bizdan yaxshiroq edi, ular bizga juda yaqin edilar (jadvalda), shuning uchun biz uchun hozir 19 ochko oldinda bo‘lishimiz men uchun butunlay syurpriz.
Ular bilan o‘ynaganimizda men buni umuman his qilmaganman. Demak, biz bu kabi sifatga ega bo‘lgan jamoadan 19 ochkoga oldinda ekanligimizn bizning kuchli ekanligimizni ko‘rsatsa kerak. Bu bizning futbolchilarimiz uchun katta maqtov", - dedi Slot.
