"Ливерпуль" бош мураббийи Арне Слот жамоасининг АПЛ турнир жадвалида "Челси"дан устунлигидан ҳайратда эканлигини билдирди.
"Ливерпуль" Премьер-лига чемпионлигини қўлга киритганидан кейинги илк ўйинида "Челси"дан 3:1 ҳисобида мағлуб бўлди, у эса турнир жадвалидаги фарқини 19 очкога қисқартирди.
"Ўйинларида мағлуб бўлишнинг яхши томони йўқ, аммо ижобий томонлари ҳам бор.
"Стемфорд Бриж"да кўп жамоалар тўпга эгалик қилишда устунлик қила олмайди, чунки "Челси" тўп билан жуда яхши ўйнайди.
Биз 2:0 ҳисобида ортда бораётганимизда ҳам таслим бўлмадик ва ўйинга қайтишга ҳаракат қилдик. Иккита катта имкониятни бой бердик ва "Челси" қарши ҳужумда жуда хавфли кўринди.
Биз ҳисобни 2:1 қилиш учун гол урганимизда, "Ҳмм, кўрамиз, нима бўлади", деб ўйлаган эдингиз. Лекин бизда ҳисобни тенглаштириш учун реал имкониятлар бўлмади, кейин пенальти белгиланди, бу адолатли бўлди ва "Челси" 3:1 ҳисобида ғалаба қозонди.
"Мен "Челси" бу мавсумда эътиборга олинадиган куч бўлишини кутгандим, чунки "Энфилд"га келганида улар биздан яхшироқ эди, улар бизга жуда яқин эдилар (жадвалда), шунинг учун биз учун ҳозир 19 очко олдинда бўлишимиз мен учун бутунлай сюрприз.
Улар билан ўйнаганимизда мен буни умуман ҳис қилмаганман. Демак, биз бу каби сифатга эга бўлган жамоадан 19 очкога олдинда эканлигимизн бизнинг кучли эканлигимизни кўрсатса керак. Бу бизнинг футболчиларимиз учун катта мақтов", - деди Слот.
