«Shtutgart» jamoasining tayanch yarim himoyachisi Anjelo Shtiller «Liverpul»ga o‘tishi mumkin. Bu haqda Stuttgarter Nachrichten nashri xabar berdi.

Manbaga ko‘ra, angliyaliklar 24 yoshli futbolchini o‘z tarkibiga qo‘shib olishga jiddiy qiziqish bildirmoqda. «Shtutgart» esa futbolchisini 60 million yevrodan kam bo‘lmagan summaga sotish niyatida. Agar shu narx taklif etilmasa, klub uni sotish variantini ko‘rib chiqmaydi.

Joriy mavsumda Shtiller barcha turnirlarda 45 ta o‘yinda maydonga tushib, 4 ta gol urgan va 9 ta golli pas bergan.