«Штутгарт» жамоасининг таянч ярим ҳимоячиси Анжело Штиллер «Ливерпуль»га ўтиши мумкин. Бу ҳақда Stuttgarter Nachrichten нашри хабар берди.
Манбага кўра, англияликлар 24 ёшли футболчини ўз таркибига қўшиб олишга жиддий қизиқиш билдирмоқда. «Штутгарт» эса футболчисини 60 миллион евродан кам бўлмаган суммага сотиш ниятида. Агар шу нарх таклиф этилмаса, клуб уни сотиш вариантини кўриб чиқмайди.
Жорий мавсумда Штиллер барча турнирларда 45 та ўйинда майдонга тушиб, 4 та гол урган ва 9 та голли пас берган.
