“Vilyarreal” klubi vingeri Nikolya Pepe yozgi transfer oynasida yana Angliyaga qaytishi mumkin. “Everton” va “Vulverxempton” klublari 29 yoshli futbolchini o‘z safiga qo‘shishga qiziqish bildirmoqda.
Pepe 2024 yil avgust oyida “Vilyarreal”ga erkin agent sifatida kelib, ikki yillik shartnoma imzolagandi. Joriy mavsumda u La Ligada 24 o‘yinda maydonga tushib, 2 ta gol va 5 ta golli uzatma amalga oshirdi.
“Vilyarreal” klubi Pepe bilan shartnomani uzaytirishni istamoqda, ammo futbolchining Angliya klublariga qaytish ehtimoli yuqori.
