UEFA prezidenti Aleksander Cheferin Chempionlar Ligasi formatidagi o‘zgarishlar haqida fikr bildirdi. Endilikda guruhlarga bo‘lish o‘rniga, barcha jamoalar yagona “shveysarcha tizim” bo‘yicha bahs olib bormoqda.
“Bizning yangi formatimiz katta muvaffaqiyatga erishdi. Futbolni sevadigan va tushunadigan har qanday inson bu mavsum juda ajoyib o‘tganini tan oladi. Hatto doimiy tanqidchilar ham buni tushunib yeta boshlashdi, deb o‘ylayman”, — deb Cheferinning so‘zlarini keltiradi SportMediaset.
Shuningdek, UEFA rahbari umumiy bosqichning so‘nggi turlari qay darajada keskin va dramatik bo‘lganini ta’kidladi. Xususan, hozirgi yarim finalchi — “PSJ” pley-offdan chetda qolib ketishi mumkin edi.
