УЕФА президенти Александер Чеферин Чемпионлар Лигаси форматидаги ўзгаришлар ҳақида фикр билдирди. Эндиликда гуруҳларга бўлиш ўрнига, барча жамоалар ягона “швейцарча тизим” бўйича баҳс олиб бормоқда.
“Бизнинг янги форматимиз катта муваффақиятга эришди. Футболни севадиган ва тушунадиган ҳар қандай инсон бу мавсум жуда ажойиб ўтганини тан олади. Ҳатто доимий танқидчилар ҳам буни тушуниб ета бошлашди, деб ўйлайман”, — деб Чефериннинг сўзларини келтиради SportMediaset.
Шунингдек, УЕФА раҳбари умумий босқичнинг сўнгги турлари қай даражада кескин ва драматик бўлганини таъкидлади. Хусусан, ҳозирги ярим финалчи — “ПСЖ” плей-оффдан четда қолиб кетиши мумкин эди.
