“Inter” himoyachisi Federiko Dimarko Chempionlar Ligasi yarim finalida “Barselona”ga qarshi qozonilgan g‘alabadan so‘ng o‘z taassurotlari bilan o‘rtoqlashdi. Milanliklar javob uchrashuvida 4:3 hisobida g‘alaba qozondi (birinchi o‘yin — 3:3) va finalga yo‘l oldi.

“Bugun nima bo‘lganini tasvirlashga so‘z topolmayman. Bu aql bovar qilmas o‘yin edi, Chempionlar Ligasi uchun ajoyib kecha. Endi barchasi aniq: biz bu musobaqani yutishni xohlaymiz, raqib qanchalik kuchli bo‘lishining farqi yo‘q.

Men boshqa stadionlar haqida "bu yer do‘zax, do‘zax" deb aytilishini eshitganman. Lekin "San-Siro"ga teng keladigani yo‘q. Simone Indzagi — bizning rahbarimiz, u hatto qiyin pallalarda ham yo‘l ko‘rsatadi. Uni faqat olqishlash mumkin. Biz "Milan"ga imkoniyatni boy berganimizdan so‘ng vaziyat o‘zgardi, biz o‘sdik — va bunga munosibmiz. Biz barcha yutuqlarga munosibmiz”, — dedi Dimarko.