Milanning “Inter” jamoasi so‘nggi uch yil ichida ikkinchi marta Chempionlar Ligasi finaliga chiqdi. Kataloniyaning “Barselona”siga qarshi keskin va dramatik o‘yindan keyingi g‘alabani Italiya futboli afsonasi, Rossiya terma jamoasining sobiq murabbiyi Fabio Kapello yuqori baholadi.
“Aql bovar qilmas “Inter”! Acherbining o‘ng oyog‘i bilan urgan goli — bu mutlaqo noodatiy. Zommer — uchrashuv qahramoni, bu Chempionlar Ligasida umuman olganda darvozabonlar asosiy qahramonga aylanishmoqda. Bu ruhlantiruvchi o‘yin edi, u bizga ulkan syurprizlar va kuchli emosiyalar baxsh etdi”, — dedi Kapello so‘zlarini keltiradi fcinter1908.it.
