"Barselona" Chempionlar Ligasi yarim finalida "Inter"ga imkoniyatni boy berib qo‘ydi.
Seshanba kuni "San-Siro"da kechgan uchrashuv qo‘shimcha bo‘limlarda "neradzurrilar"ning 4:3 hisobidagi g‘alabasi bilan yakunlandi. O‘yinning umumiy hisobi - 7:6. Muvaffaqiyatsizlikdan ko‘p o‘tmay Rafinya Dias 17 yoshli jamoadoshiga murojaat qildi: "Sen hali bu klubga ko‘p narsa berasan, boshingni baland ko‘tar. Sen eng yaxshisan va kelajakda "Barsa" muxlislarini ko‘p marta xursand qilasan. Sen ularga loyiq bo‘lgan narsani berasan," - deb yozadi braziliyalik.
"Inter"ga qarshi javob uchrashuvida Lamin Yamal to‘qqizta zarba yo‘lladi, biroq Yann Zommer darvozasiga gol kirita olmadi.
