"Барселона" Чемпионлар Лигаси ярим финалида "Интер"га имкониятни бой бериб қўйди.
Сешанба куни "Сан-Сиро"да кечган учрашув қўшимча бўлимларда "нерадзуррилар"нинг 4:3 ҳисобидаги ғалабаси билан якунланди. Ўйиннинг умумий ҳисоби - 7:6. Муваффақиятсизликдан кўп ўтмай Рафинья Диас 17 ёшли жамоадошига мурожаат қилди: "Сен ҳали бу клубга кўп нарса берасан, бошингни баланд кўтар. Сен энг яхшисан ва келажакда "Барса" мухлисларини кўп марта хурсанд қиласан. Сен уларга лойиқ бўлган нарсани берасан," - деб ёзади бразилиялик.
"Интер"га қарши жавоб учрашувида Ламин Ямал тўққизта зарба йўллади, бироқ Янн Зоммер дарвозасига гол кирита олмади.
