Leverkuzenning "Bayer" klubi markaziy hujumchisi Patrik Shik bir vaqtning o‘zida Angliya Premyer-ligasida o‘ynash uchun bir nechta variantlarga ega. Bu haqda Caught Offside jurnalistlari xabar bermoqda.
Manbaga ko‘ra, chexiyalik to‘purarni "Manchester Yunayted," shuningdek, Londonning "Chelsi" va "Arsenal" klublari o‘z safiga qo‘shib olmoqchi. Hujumchi yozgi transfer oynasida klubini o‘zgartirishi mumkin. Uning bozor qiymati 27 million yevroga baholanmoqda. Shik va "dorishunoslar" o‘rtasidagi amaldagi shartnoma muddati 2027 yil iyun oyi oxirida tugaydi.
Patrik Bundesliganing joriy mavsumida 29 ta o‘yin o‘tkazib, 19 ta gol urishga erishdi.
