Kataloniyaning "Barselona" klubi yakshanba kuni La Liga doirasida "Real"ni o‘z maydonida qabul qiladi.
Ispaniyaning Sport nashri xabariga ko‘ra, kataloniyaliklar hujumchisi Robert Levandovski o‘zini to‘liq tayyor deb hisoblayapti va "el-klasiko"da asosiy tarkibda maydonga tushishni istayapti.
U nafaqat jamoaga g‘alaba keltirishni, balki to‘purarlar poygasida Mbappe unga yaqinlashayotgan bir paytda yetakchilikni saqlab qolishni ham xohlaydi.
La Liga joriy mavsumida 36 yoshli polyak 31 ta o‘yinda 25 ta gol urgan. Mbappe hisobida 24 ta gol bor.













