Shanba kungi Bundesliganing "Borussiya M"ga qarshi o‘yinidan so‘ng, "Bavariya" chempionlik kubogini qo‘lga kiritadi va Tomas Myuller o‘zining so‘nggi uy o‘yinini o‘tkazadi. "Bavariya" saytiga bergan intervyusida u ushbu maxsus o‘yin oldidan o‘zini qanday his qilayotgani haqida gapirdi.
"Men shunchaki rohatlanishga harakat qilyapman... Bilaman, bu mening uydagi so‘nggi o‘yinim bo‘ladi va o‘yindan keyin shaxs sifatida menga katta e’tibor qaratiladi" - dedi Myuller.
Eslatib o‘tamiz, nemis futbolchi “Bavariya” safida barcha turnirlarda 749 ta o‘yin o‘tkazib, 248 ta gol urgan va 274 ta golli uzatmani amalga oshirgan.
