Шанба кунги Бундеслиганинг "Боруссия М"га қарши ўйинидан сўнг, "Бавария" чемпионлик кубогини қўлга киритади ва Томас Мюллер ўзининг сўнгги уй ўйинини ўтказади. "Бавария" сайтига берган интервюсида у ушбу махсус ўйин олдидан ўзини қандай ҳис қилаётгани ҳақида гапирди.
"Мен шунчаки роҳатланишга ҳаракат қиляпман... Биламан, бу менинг уйдаги сўнгги ўйиним бўлади ва ўйиндан кейин шахс сифатида менга катта эътибор қаратилади" - деди Мюллер.
Эслатиб ўтамиз, немис футболчи “Бавария” сафида барча турнирларда 749 та ўйин ўтказиб, 248 та гол урган ва 274 та голли узатмани амалга оширган.
