Angliyaning "Vest Xem" klubi va Germaniya terma jamoasi futbolchisi Niklas Fyullkrug klubini o‘zgartirmoqchi emasligini ma’lum qildi.
Fyullkrug Dortmundning "Borussiya" klubi bilan Chempionlar Ligasi finaliga qadar yetib borgan ajoyib mavsumdan so‘ng "Vest Xem"ga qo‘shildi, ammo "bolg‘achilar"ning 30 million yevrolik xarajatlari hali o‘zini oqlamadi. Jarohatlar tufayli u maydonda mumkin bo‘lgan maksimal vaqtning atigi 21 foizini o‘tkazdi.
"Hech qachon "Vest Xem"ni tark etish niyatim bo‘lmagan va hozir bu haqda o‘ylamayapman ham. Men bu ishdan haqiqatan ham zavqlanaman va bunday chaqiruvni jozibali deb bilaman", - deya hujumchining so‘zlarini keltiradi Kicker.
Umuman olganda, Fyullkrug mavsum davomida barcha turnirlarda 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.













