Англиянинг "Вест Хэм" клуби ва Германия терма жамоаси футболчиси Никлас Фюллькруг клубини ўзгартирмоқчи эмаслигини маълум қилди.
Фюллькруг Дортмунднинг "Боруссия" клуби билан Чемпионлар Лигаси финалига қадар етиб борган ажойиб мавсумдан сўнг "Вест Хэм"га қўшилди, аммо "болғачилар"нинг 30 миллион евролик харажатлари ҳали ўзини оқламади. Жароҳатлар туфайли у майдонда мумкин бўлган максимал вақтнинг атиги 21 фоизини ўтказди.
"Ҳеч қачон "Вест Хэм"ни тарк этиш ниятим бўлмаган ва ҳозир бу ҳақда ўйламаяпман ҳам. Мен бу ишдан ҳақиқатан ҳам завқланаман ва бундай чақирувни жозибали деб биламан", - дея ҳужумчининг сўзларини келтиради Kicker.
Умуман олганда, Фюллькруг мавсум давомида барча турнирларда 17 та ўйинда майдонга тушиб, 2 та гол урди ва 3 та голли узатмани амалга оширди.
