Ange Postekoglu “Tottenxem”ning Yevropa ligasi finaliga chiqishini katta muvaffaqiyat deb atadi.
21 may kuni Ispaniyaning Bilbao shahridagi “San-Mames” stadionida “Tottenxem” Yevropa ligasi finalida “Manchester Yunayted”ga qarshi o‘ynaydi.
"Xo‘sh, bu ko‘pchilikka yoqmaydi, to‘g‘rimi? Yana bir mojaro to‘lqini boshlandi. Endi ular kubokga biz ham, "Manchester Yunayted" ham loyiq emassiz, deyishadi.
Chempionatda pastki o‘rinda qolib ketsak, nima farqi bor? Bu butunlay boshqacha narsa. Kubok hikoyasi ligadagi forma haqida emas. Kimning qanday formada ekanligi menga qiziq emas. Ikkalamiz ham bu finalga munosibmiz", dedi "Tottenxem" bosh murabbiyi.
