"Lasio" vingeri Pedro jamoasi bilan kelajagi haqida o‘z fikrlari bilan o‘rtoqlashdi.
"Ikkinchi bo‘limda "Yuventus"ga qarshi ajoyib o‘yin (1:1), yakunda gol urdik. Bu sharmandalik, chunki muxlislarimiz oldida yirik g‘alabani qo‘lga kiritishimiz ham mumkin edi.
Oldinda ikkita o‘yin qoldi, ulardan biri "Inter"ga qarshi. Agar ochko olishni istasak, yaxshi o‘ynashimiz kerak.
Kelajak? Jamoada va menga ishonch bergan murabbiyning yonida o‘zimni qulay his qilyapman. Yana bir yil shu yerda qolmoqchiman", - dedi Pedro.
Avvalroq "Lasio" 37 yoshli ispaniyalik bilan shartnomani 2026 yilning yoziga qadar uzaytirmoqchi ekani xabar qilingandi.
Joriy mavsumda u 42 ta o‘yinda maydonga tushib, 12 ta gol urdi va 4 ta golli uzatmani amalga oshirdi.
