Jeymi Bayno-Gittensning kelajagi iyun oyi boshida transfer oynasi ochilishi bilan hal bo‘lishi dargumon.
Jeymi Bayno-Gittensning nemislar bilan shartnomasi 2027/28 yilgi mavsum oxirigacha amal qiladi, ammo uning keyingi qadamlari Dortmundning "Borussiya"si keyingi mavsumda Yevropaning qaysi turnirida ishtirok etishiga bog‘liq bo‘ladi. Agar klub Chempionlar ligasiga yo‘l olsa, unda Gittens 60 million yevro evaziga sotib yuboriladi. Dortmund Yevropa Ligasi yoki Konferensiyalar Ligasida o‘ynasa, bu summa kamayadi. Bunday holatda Bayno-Gittensning yangi narxi 50 million yevrodan ancha kam bo‘ladi, bu esa Dortmund uchun ideal variant emas.
Futbolchiga 4 ta jamoa qiziqmoqda: "Chelsi," "Bavariya," "Arsenal" va "Barselona."
Bu klublarning har biri iste’dodli angliyalik futbolchiga avval ham qiziqish bildirgan bo‘lsa-da, hozircha transfer bo‘yicha aniq so‘rovlar yo‘q. Shunday ekan, tez orada qaror qabul qilinishiga umid qilmasa ham bo‘ladi.
Bundan tashqari, futbolchining e’tibori Tomas Tuxel qo‘l ostida Angliya terma jamoasiga kirish va keyingi yilgi jahon chempionatiga borish imkoniyatini beradigan eng yaxshi formasini topishga qaratiladi.
