Жейми Байно-Гиттенснинг келажаги июнь ойи бошида трансфер ойнаси очилиши билан ҳал бўлиши даргумон.

Жейми Байно-Гиттенснинг немислар билан шартномаси 2027/28 йилги мавсум охиригача амал қилади, аммо унинг кейинги қадамлари Дортмунднинг "Боруссия"си кейинги мавсумда Европанинг қайси турнирида иштирок этишига боғлиқ бўлади. Агар клуб Чемпионлар лигасига йўл олса, унда Гиттенс 60 миллион евро эвазига сотиб юборилади. Дортмунд Европа Лигаси ёки Конференциялар Лигасида ўйнаса, бу сумма камаяди. Бундай ҳолатда Байно-Гиттенснинг янги нархи 50 миллион евродан анча кам бўлади, бу эса Дортмунд учун идеал вариант эмас.

Футболчига 4 та жамоа қизиқмоқда: "Челси," "Бавария," "Арсенал" ва "Барселона."

Бу клубларнинг ҳар бири истеъдодли англиялик футболчига аввал ҳам қизиқиш билдирган бўлса-да, ҳозирча трансфер бўйича аниқ сўровлар йўқ. Шундай экан, тез орада қарор қабул қилинишига умид қилмаса ҳам бўлади.

Бундан ташқари, футболчининг эътибори Томас Тухель қўл остида Англия терма жамоасига кириш ва кейинги йилги жаҳон чемпионатига бориш имкониятини берадиган энг яхши формасини топишга қаратилади.