"Barselona" hujumchisi Pau Viktor yozda jamoani tark etishi mumkin.
23 yoshli futbolchi muntazam o‘yin amaliyotiga ega bo‘lmoqchi, shu bois u "ko‘k-anorranglilar" safini tark etishga qaror qildi. Jurnalist Ekrem Konurning so‘zlariga ko‘ra, "Barselona" forvardni keyinchalik to‘liq transfer qilish imkoniyati bilan ijaraga jo‘natishga tayyor va shartnomada yana sotib olishning ustuvor huquqi ham ko‘zda tutilgan bo‘ladi. Futbolchiga La Liganing ko‘plab klublari qiziqish bildirishgan.
Pau Viktor joriy mavsumda 27 ta o‘yinda 2 ta gol urdi va 1 ta golli uzatmani amalga oshirdi. Transfermarkt portali ispaniyalik futbolchining narxini 5 million yevroga baholamoqda.
