"Барселона" ҳужумчиси Пау Виктор ёзда жамоани тарк этиши мумкин.
23 ёшли футболчи мунтазам ўйин амалиётига эга бўлмоқчи, шу боис у "кўк-анорранглилар" сафини тарк этишга қарор қилди. Журналист Экрем Конурнинг сўзларига кўра, "Барселона" форвардни кейинчалик тўлиқ трансфер қилиш имконияти билан ижарага жўнатишга тайёр ва шартномада яна сотиб олишнинг устувор ҳуқуқи ҳам кўзда тутилган бўлади. Футболчига Ла Лиганинг кўплаб клублари қизиқиш билдиришган.
Пау Виктор жорий мавсумда 27 та ўйинда 2 та гол урди ва 1 та голли узатмани амалга оширди. Transfermarkt портали испаниялик футболчининг нархини 5 миллион еврога баҳоламоқда.
