Italiyalik sobiq murabbiy Fabio Kapello "Real" tez orada Karlo Anchelotti bilan xayrlashishi haqida fikr bildirdi.
"Qaymoqranglilar" bosh murabbiyi may oyining oxirigacha hozirgi lavozimida ishlaydi, shundan so‘ng Braziliya terma jamoasida ish boshlaydi. "Real"ning yangi murabbiyi Xabi Alonso bo‘ladi.
"Anchelottining holati? Bu hali ham adolatsizlik deb o‘ylayman, ammo "Real"da g‘alaba qozonishga majbursan. Karlo hammasini yutdi, ammo endi o‘zgarishlarni qabul qilishga to‘g‘ri keladi. Men chempionlikni qo‘lga kiritganimdan so‘ng "Real"dan iste’foga chiqarilgandim," - dedi Kapello El Partidazo de COPE nashriga bergan intervyusida.
