Италиялик собиқ мураббий Фабио Капелло "Реал" тез орада Карло Анчелотти билан хайрлашиши ҳақида фикр билдирди.
"Қаймоқранглилар" бош мураббийи май ойининг охиригача ҳозирги лавозимида ишлайди, шундан сўнг Бразилия терма жамоасида иш бошлайди. "Реал"нинг янги мураббийи Хаби Алонсо бўлади.
"Анчелоттининг ҳолати? Бу ҳали ҳам адолатсизлик деб ўйлайман, аммо "Реал"да ғалаба қозонишга мажбурсан. Карло ҳаммасини ютди, аммо энди ўзгаришларни қабул қилишга тўғри келади. Мен чемпионликни қўлга киритганимдан сўнг "Реал"дан истеъфога чиқарилгандим," - деди Капелло El Partidazo de COPE нашрига берган интервьюсида.
