"Manchester Yunayted" bosh murabbiyi Ruben Amorim "Tottenxem"ga qarshi Yevropa Ligasi final uchrashuvi chiptalarini klubning 30 nafar xodimiga olib berdi. Bu haqda ESPN nashri xabar bermoqda. Turnir finali Ispaniyaning "San-Mames" (Bilbao) stadionida bo‘lib o‘tadi. O‘yin 21 may, chorshanba kuniga belgilangan.
Manbaga ko‘ra, "Manchester Yunayted" murabbiylar va fizioterapevtlarga final o‘yiniga o‘zlari borishlari kerakligini aytgan. Qayd etilishicha, jamoa ishchilari va ularning oila a’zolarining safar xarajatlarini Amorim o‘z zimmasiga olgan.
Avvalroq OAVda "Manchester Yunayted" rahbariyati barcha xodimlariga Yevropa Ligasi final o‘yini chiptalari o‘rniga bepul ovqatlanish talonlarini sovg‘a qilishni rejalashtirayotgani haqida xabarlar tarqalgan edi.
