"Real" "Milan" yarim himoyachisi Tidjani Reyndersni o‘z safiga qo‘shib olmoqchi.
Marca xabariga ko‘ra, Madrid klubi Niderlandiya terma jamoasining 26 yoshli xavbeki uchun kurashga qo‘shilishga tayyor.
Avvalroq, "Milan" bilan muzokaralarning dastlabki bosqichida "Manchester Siti" borligi xabar qilingandi.
Qayd etilishicha, agar "Milan" Italiya chempionati yakunlariga ko‘ra yevrokuboklarga chiqa olmasa, futbolchining narxi pasayishi mumkin. Reyndersning amaldagi shartnomasi 2030 yilga qadar imzolangan.
U joriy mavsum italiyaliklar safida barcha musobaqalarda 51 ta o‘yinda maydonga tushib, 15 ta gol urdi va 4 ta golli uzatmani amalga oshirdi.
