"Реал" "Милан" ярим ҳимоячиси Тиджани Рейндерсни ўз сафига қўшиб олмоқчи.

Marca хабарига кўра, Мадрид клуби Нидерландия терма жамоасининг 26 ёшли хавбеки учун курашга қўшилишга тайёр.

Аввалроқ, "Милан" билан музокараларнинг дастлабки босқичида "Манчестер Сити" борлиги хабар қилинганди.

Қайд этилишича, агар "Милан" Италия чемпионати якунларига кўра еврокубокларга чиқа олмаса, футболчининг нархи пасайиши мумкин. Рейндерснинг амалдаги шартномаси 2030 йилга қадар имзоланган.

У жорий мавсум италияликлар сафида барча мусобақаларда 51 та ўйинда майдонга тушиб, 15 та гол урди ва 4 та голли узатмани амалга оширди.