"Al-Ittihod" hujumchisi Karim Benzema jamoasi muddatidan avval Saudiya Arabistoni Pro-ligasi chempionligini qo‘lga kiritgach, o‘z his-tuyg‘ulari bilan o‘rtoqlashdi.

"Chempionlar! Men bu jamoa va muxlislarimiz bilan faxrlanaman", - deb yozdi fransuz forvardi ijtimoiy tarmoqda.

Mavsum tugashiga ikki tur qolganida “Al-Ittihod” eng yaqin ta’qibchisi “Al-Hilol”dan 9 ochkolik farq bilan turnir jadvalida peshqadamlik qilmoqda.

Joriy mavsumda 37 yoshli Benzema 28 ta o‘yin o‘tkazib, 21 ta gol urdi va 9 ta golli uzatmani amalga oshirib, yuqori darajadagi o‘yin va jamoa uchun muhimligini namoyish etdi.