"Barselona" La Liganing 36-turida "Espanyol"ni (2:0) mag‘lub etib, 2024/25 yilgi mavsumda rasman Ispaniya chempioniga aylandi.

Bu unvon kataloniyaliklar uchun 2021 yilda Messi ketganidan beri beshinchi sovrindir. Argentinalik daho bilan xayrlashganidan beri “Barsa” o‘zining afsonaviy futbolchisisiz ham g‘alaba qozonishga qodirligini bir necha bor isbotladi.

So‘nggi to‘rt yil ichida klub ikki marta La Liga (2022/23, 2024/25), bir marta Ispaniya kubogi (2024/25) va ikki marta Ispaniya Superkubogi (2022/23, 2024/25) sohibi bo‘ldi.

Messi 2000 yildan beri "Barselona" tizimining bir qismi bo‘lib, asosiy jamoa tarkibida 778 ta o‘yinda maydonga tushib, 672 ta gol urgan va 303 ta golli uzatmani amalga oshirgan edi.