"Барселона" Ла Лиганинг 36-турида "Эспаньол"ни (2:0) мағлуб этиб, 2024/25 йилги мавсумда расман Испания чемпионига айланди.
Бу унвон каталонияликлар учун 2021 йилда Месси кетганидан бери бешинчи совриндир. Аргентиналик даҳо билан хайрлашганидан бери “Барса” ўзининг афсонавий футболчисисиз ҳам ғалаба қозонишга қодирлигини бир неча бор исботлади.
Сўнгги тўрт йил ичида клуб икки марта Ла Лига (2022/23, 2024/25), бир марта Испания кубоги (2024/25) ва икки марта Испания Суперкубоги (2022/23, 2024/25) соҳиби бўлди.
Месси 2000 йилдан бери "Барселона" тизимининг бир қисми бўлиб, асосий жамоа таркибида 778 та ўйинда майдонга тушиб, 672 та гол урган ва 303 та голли узатмани амалга оширган эди.
