"Yuventus"ning sobiq himoyachisi Leonardo Bonuchchi jamoaga yangi lavozimda qaytishi mumkin.
Turin grandi xo‘jayinlari 38 yoshli sobiq futbolchini yoshlar akademiyasiga murabbiy yoki asosiy jamoa murabbiylar shtabiga tayinlash imkoniyatini ko‘rib chiqmoqda, deya xabar beradi insayder Nikolo Skira.
Leonardo Bonuchchi 2023 yilda "Yuventus"ni tark etdi va bir yildan so‘ng futbolchilik faoliyatini yakunladi. Hozirda intiluvchan murabbiy Italiya yoshlar terma jamoasida murabbiy yordamchisi lavozimini egallab turibdi.













