"Chelsi" hujumchisi Kristofer Nkunku yozgi transferlar oynasida jamoasini o‘zgartirishga qaror qildi.
27 yoshli futbolchi asosiy o‘yinlarda doimiy o‘yin amaliyotiga ega emasligidan norozi. Jurnalist Santi Aunaning ma’lum qilishicha, fransuz "ko‘klar" safini tark etadi, tomonlar optimal yechim izlamoqda. Hujumchini "Liverpul" va "Nyukasl," shuningdek, "Bavariya" o‘z safiga qo‘shib olmoqchi. Futbolchining o‘zi Chempionlar ligasida ishtirok etadigan jamoada o‘ynashni xohlaydi.
Mashhur Transfermarkt portali mutaxassislari Kristofer Nkunkuning narxini 45 mln yevroga baholamoqda. "RB Leypsig" sobiq yulduzining London klubi bilan amaldagi shartnomasi 2029 yilgacha mo‘ljallangan.













