Italiya terma jamoasining afsonaviy darvozaboni Janluiji Buffon Turinda o‘zining yangi kitobini taqdim etdi va faoliyatidagi yuksalish va pasayishlarni eslab, jurnalistlar savollariga javob berdi. U 2006 yilgi jahon chempionatida Italiya Fransiyani penaltilar seriyasida mag‘lub etgan g‘alabani faoliyatidagi eng yuqori cho‘qqi, deb hisoblaydi.
Biroq o‘sha oqshomga Zidan va Materatsi o‘rtasidagi voqeaga putur yetkazdi. O‘shanda VAR yo‘q edi, lekin Buffon uni jonli ko‘rdi va darhol hakam oldiga yugurib, voqea haqida xabar berdi.
"O‘sha paytda men VAR yordamchisi edim. Mening munosabatim va o‘sha yo‘nalishdagi baqirganlarim hakamlarni ushbu voqeaga e’tibor qaratishga majbur qildi. Ular buni hech qachon tan olishmaydi, albatta, lekin keyinroq buni televizor monitorlarida ko‘rishdi. Bularning barchasi real vaqtda sodir bo‘lganini faqat men ko‘rganman", - dedi Buffon.
Yana shuni qo‘shimcha qilamizki, Janluiji Buffon uzoq yillik faoliyati davomida Italiya terma jamoasi safida 176 ta o‘yin o‘tkazgan.
