Angliya chempionatida 37-tur o‘yinlari boshlandi, Londonning "Chelsi" klubi "Manchester Yunayted"ni minimal hisobda mag‘lub etdi. "MYU"ning portugaliyalik ustozi Ruben Amorim bo‘lib o‘tgan o‘yin natijalari haqida fikr bildirdi.
"O‘ylashimcha, o‘yinni yaxshi boshladik, ammo maydonning so‘nggi uchinchi qismida yanada tajovuzkor bo‘lishimiz kerak edi. Biz u yerga yaqinlashdik, tempni ushlab turdik, hammasi to‘g‘ri edi, lekin sal omadimiz kelmay qoldi. Ba’zida pressing qilib, gol urging keladi, lekin buning o‘rniga konsentrasiyani yo‘qotasan. Yutqazish har doim yoqimsiz," - deya Amorimning so‘zlarini keltiradi BBC Sport.
